29. Вершы аб успамінах

 

Анатолій Балуценка

http://ab24b.narod.ru

 

 

4067     ПЕРШАЯ ВЯСНА

 

Забудуцца i боль, i асалода,

Сцiрае ўсё, як быццам гумкай, час,

Але, калi здараецца нагода,

Былое, нiбы ява, ўзнiкне ўраз.

 

Гадамi запарушана карцiнка,

Майго кахання першая вясна,

Ды ўспомнiцца, як стрэнецца дзяўчынка,

Такая ж, як тады была яна.

 

10.08.2000

 

Home Page     Змест

 

4405     СЛЯДЫ МIНУЛАГА

 

Што мiне, не вернецца нiколi,

Нават вельмi моцная любоў,

Прападзе, як быццам вецер ў полi,

Цеплыня ад шчырасцi сяброў.

 

Што стварала для жыцця украсу,

Засталося ў думках назаўжды,

Ўсё на свеце падуладна часу,

Ды не ад мiнулага сляды.

 

29.10.2000

 

Home Page     Змест

 

4416     РАКА ЖЫЦЦЯ

 

Блiшчаць каменьчыкi на дне,

I, як крышталь, вада iскрыцца,

Цяпер прыемна снiцца мне

Дзяцiнства любага крынiца.

 

Ракi жыцця майго выток,

Ў ёй справы, мары i пачуццi,

Здаецца чыстаю здалёк,

Ды зблiзку досыць каламуцi.

 

30.10.2000

 

Home Page     Змест

 

4417     БIНОКЛЬ

 

Калi глядзець у акуляр,

Ўсё бачна ў велiчным адзiнстве,

Цудоўны лёс, вяршынi мар

Бiнокль паказвае ў дзяцiнстве.

 

Але, калi прайшло жыццё,

У аб'ектыў глядзiш ў былое,

Не пакiдае пачуццё,

Што сапраўды яно малое.

 

30.10.2000

 

Home Page     Змест

 

4468     ДОЎГI ПУЦЬ

 

Бягуць бясконцых думак цягнiкi,

Iмчаць мяне ў далёкую краiну,

I толькi трэба выбраць, з iх якi

Прыемней ў гэты час для успамiну.

 

Здаралась многа рознага ў жыццi,

I плённы сустракаўся шлях, i марны,

Кацiў па рэйках доўгага пуцi

Вагон купэйны i вагон таварны.

 

7.11.2000

 

Home Page     Змест

 

4478     МОРА МАЛАДОСЦI

 

Далёкiя, цудоўныя гады,

Ды не таму, што меў ў дастатку штосьцi,

Бо шчасце адчуваў ў той час заўжды,

Таму, што меў больш мора маладосцi.

 

Ды крочыць час, расце яе цана,

Была заўжды – цяпер прыходзiць ў госцi,

Забудзе хутка пра мяне яна,

Не утрымаць мiнулай маладосцi.

 

7.11.2000

 

Home Page     Змест

 

4693     НАДЗЕЯ

 

Ўспамiнаю бацькоўскую хату,

Адчуваю i боль, i тугу,

Бо нiколi к сямейнаму святу

Да яе завiтаць не змагу.

 

Бо стаiць, сiрацiна, пустая,

Ў ёй ад цiшы нястрыманы жах,

Лебядой летам двор зарастае,

Глядзяць вокны з надзеяй на шлях.

 

2.12.2000

 

Home Page     Змест

 

4779     РАНКОВЫ ЧАС

 

Сцяжыначкi далёкага маленства

Ў маiм жыццi – найлепшая з украс,

Iх радасцi не зведаў падабенства,

Хаця пасля шашой хадзiў не раз.

 

Iх асалоду я забыць не ў змозе,

Бо успамiн прыемнасцi не згас,

Вядома, справа, пэўна, не ў дарозе,

А проста быў ў душы ранковы час.

 

20.12.2000

 

Home Page     Змест

 

4819     МIЛЫ ЎСПАМIН

 

Ў жыццi учынак робiм не адзiн

Заўжды сваiмi ўласнымi рукамi,

I добры, i нядобры успамiн

Заўсёды застаецца разам з намi.

 

Ад добрага хвалюецца душа,

Як у анёла, вырастсюць крылы.

А як забыць пакуты спарыша,

Каб успамiн застаўся толькi мiлы?

 

27.12.2000

 

Home Page     Змест

 

4904     НЯСПАННЕ

 

Не спалося зноўку мне да ранку,

Успамiны выклiкалi час,

Як з табою слухалi заранку,

I як знiчкi падалi на нас.

 

Да спадобы сэрцу успамiны,

Хоць яны – былога мiражы,

Маладосцi любыя карцiны,

Як бальзам цудоўны для душы.

 

10.01.2001

 

Home Page     Змест

 

4972     ВЯСНОВЫЯ ЎСПАМIНЫ

 

Асеннi дождж залiў жыццёвую шашу,

Зрабiў яе мароз зiмовы лёдам,

Iдуць вясновыя ўспамiны у душу,

Калi жыццё было сапраўдным мёдам.

 

Спачатку мёд зрабiўся горкiм, як палын,

Пасля стаў небяспечнаю атрутай,

Ў дрыгвяны дол шаша спусцiлася з вяршынь,

I дапякае мне душу пакутай.

 

21.01.2001

 

Home Page     Змест

 

4996     БАЦЬКОЎСКАЯ ХАТА

 

Палацы i высотныя дамы,

Прыгожыя, цудоўныя, як свята,

Але душой сагрэцца можам мы,

Бацькоўская успомнiцца як хата,

 

I агарод, i яблыневы сад,

Мурог, ступаў дзе босаю нагою.

У думках я вяртаюся назад,

Яны зафарбаваліся тугою.

 

24.01.2001

 

Апошні верш тэмы     Home Page     Змест